Kulturárbbi ávvudat miehtá Eurohpá. Bures boahtin fárrui!

Kulturbirasbeivviid, eŋgelasgillii European Heritage Days, ávvudit 49 riikkas. Beivviid logiid duháhiid dáhpáhusaide oassálastet jahkásaččat juobe 20 miljon olbmo.

Beivviid mihttomearrin lea ávvudit áidnalunddot kulturárbámet ja lasihit dan árvvus atnima. 

European Heritage Days lea Eurohpá ráđi ja Eurohpá kommišuvnna oktasaš prográmma.

Doaibmahámit ja jahketemát

Beivviid golbma doaibmahámi leat

  • álbmotdáhpáhusat ja -kampánjat, 
  • Kulturbirrasa dahkkit -gilvu ja 
  • European Heritage Days Stories -máinnas- ja fidnoohcan. 

Molsašuddi jahketemát buktet kulturárbbi ávvudeapmái álo ođđa perspektiivva. Boahttevaš jahketemát leat

  • 2022 Bistevaš árbi (Sustainable Heritage) 
  • 2023 Ealli árbi, Living Heritage
  • 2024 Heritage of Networks, Routes and Connections
  • 2025 Architectural Heritage

Ealli árbi 2023

Mii oktasaš lea sávdnjumiin, skeitemiin ja guopparčoaggimiin? Gárjillaš joavkospeallu kyykkäin, karaokein ja soabbeheastariidemiin? Sáigoránu gođđimiin, ráp-musihkain ja rohkaláibbi láibumiin? Dat visot gullet ealli kulturárbái ja leat ávvudeami čuozáhahkan jagi 2023.

Ealli árbái gullet vierut, čehppodagat ja muitalusat

Eurohpa kulturbirasbeaivvit ávvuduvvojit jagi 2023 temáin Ealli árbi. Dainna dárkkuhuvvo immateriála kulturárbi, dego vierut, čehppodagat ja muitalusat. Ealli árbái gullet earret eará ávvudeapmi ja árga, spealut ja stohkosat, duodjemáhtut ja árbevirolaš borramušat, musihkka ja dánsen, njálmmálaš árbevierru sihke diehtu ja máhttu, mii guoská luonddu. Dasa gullet maid kulturbirrasa dehege visttiid, šiljuid ja duovdagiid geavahusa ja dikšuma čehppodat sihke dábit.

Ealli árbi sirdása olbmos ja buolvvas nubbái. Dat lea dynámalaš, ovdáneaddji ja máŋggalágán. Mii sáhttit iešguhtenai hábmet das iežametlágána ja bovdet earáid muosáhit ja gáhttet árbevieruid. Áiggi ealli árbevierut duddjojit ilu, buresbirgema ja searvvušlašvuođa.

Boađe mielde temájahkái!

Buohkat leat buresboahtimat mielde ollašuhttit temájagi. Sáhtát ieš searvat aiddo fal alccesat heivvolaš vuogi mielde.

  • Lávllo ja láibbo, stoaga ja speala, dánse ja duddjo, musisere ja muittohala. Návddaš ealli árbbis árggas ja ávvudeamis.
  • Muital alccesat mávssolaš árbbis sosiálalaš medias #eläväperintö. (sámegillii: #ealliárbi)
  • Ordne olbmuide rabas dáhpáhusa ja ilmmut dan kulturbirasbeivviid kaleandarii.
  • Čále artihkkala Ealli árbbi wikilogahallamii

Álbmotdáhpáhusat ja -kampánjat

Buohkat leat lieggasit bures boahtán ordnet prográmma kulturbirasbeivviide.

Oahpistuvvon tuvrraid, ávvudemiid, eaktodáhtolašbargguid, neahttadáhpáhusaid, earálágan kampánjjaid ja eará prográmma sáhttá ordnet birra jagi. Dáhpáhusa sáhttá háliidettiin heivehit kulturbirasbeivviid váldoáigemuddui, mii lea Suomas jahkásaččat čakčamánu nuppi vahkus dahje riikkaidgaskasaš eanadatbeaivvi oktavuođas 20. golggotmánu.

Álbmotdáhpáhusaid gánneha ordnet nuvttá dahje vuollegaš sisabeassanmávssuin, vai buohkain lea vejolaš oassálastit. Dáhpáhusat almmuhuvvojit Kulttuuriymparistomme.fi -siidduid kaleandarii, mas dat sirdašuvvet riikkaidgaskasaš www.europeanheritagedays.com -siidduide.

  • Liŋka dáhpáhusalmmuhanskovvái kulttuuriymparistomme.fi -siidduin (suomagillii): Ehdota uutta tapahtumaa
  • Lassedieđut ja geažideamit dáhpáhusordnemis kulttuuriymparistomme.fi -siidduin (suomagillii): Järjestä tapahtuma

Kulturbirrasa dahkkit -gilvu

Kulturbirrasa dahkkit (Young European Heritage Makers) gilvu movttiidahttá áicat iežas birrasis ja kulturárbbis. Gilvvuin mánát ja nuorat roahkasmahttojuvvojit oassálastit ja váikkuhit birrasa ovddideapmái ja kultuvrra ođasteapmái.

European Heritage Days Stories

European Heritage Days Stories bovde muitalit máidnasiid kulturbirasčuozáhagaid ja kulturbirasdoaimmaid eurohpálaš ollilvuođas ja ohcat ruhtadeami máidnasiid fidnun dahkamii. Ohcan lea oaivvilduvvon kulturbirasbeivviid dáhpáhusordnejeaddjiide. Ovddit jagiin logi buoremus fidnojurdaga leat ožžon juobe 10 000 euro sturrosaš fidnoruhtadeami.

Lassedieđut suomagillii kulttuuriymparistomme.fi -siidduin: European Heritage Days Stories -hankehaku
Lassedieđuid eŋgelasgillii gávnnat European Heritage Days neahttasiidduin: www.europeanheritagedays.com/Story

Neahttasiiddut ja sosiála media kanálat 

•    Euroopan kulttuuriympäristöpäivät
•    European Heritage Days (www.europeanheritagedays.com)
•    Facebook: www.facebook.com/EHDFinland
•    Twitter: @EHDFinland
•    #kulturbirasbeaivvit, #EHDs

Publicerad 05-12-2020 kl. 13.40, uppdaterad 15-08-2022 kl. 13.30