Kulturárbbi ávvudat miehtá Eurohpá. Bures boahtin fárrui!

Kulturbirasbeivviid, eŋgelasgillii European Heritage Days, ávvudit 50 riikkas. Beivviid logiid duháhiid dáhpáhusaide oassálastet jahkásaččat juobe 20 miljon olbmo.

Beivviid mihttomearrin lea ávvudit áidnalunddot kulturárbámet ja lasihit dan árvvus atnima. 

European Heritage Days lea Eurohpá ráđi ja Eurohpá kommišuvnna oktasaš prográmma.

Doaibmahámit ja jahketemát

Beivviid golbma doaibmahámi leat

  • álbmotdáhpáhusat ja -kampánjat, 
  • Kulturbirrasa dahkkit -gilvu ja 
  • European Heritage Days Stories -máinnas- ja fidnoohcan. 

Molsašuddi jahketemát buktet kulturárbbi ávvudeapmái álo ođđa perspektiivva. Boahttevaš jahketemát leat

  • 2021 Rájáhis ja rabas  
  • 2022 Bistevaš árbi (Sustainable Heritage)
  • 2023 Living Heritage
  • 2024 Heritage of Networks, Routes and Connections
  • 2025 Architectural Heritage

Rájáhis ja rabas 2021

Rájáhis ja rabas –temá movttiidahttá rasttildit rájáid máŋggain vugiin, go kulturárbi gullá buohkaide. Buohkain lea riekti návddašit kulturárbbis sihke oassálastit dan ovdanbuktimii ja dikšumii.

Rájáhis ja rabas –jahketemá dáhpáhusain ja kampánjjain sáhttá rasttildit earret eará gielddaid, eanagottiid, riikkaid, sohkabuolvvaid dahje giellajoavkkuid gaskkas lean rájáid. Temájagi sáhttá maiddái smiehttat čuozáhagaid ja materiálaid fáhtema ja dan buorideami. Kampánjat neahtas dahje sosiála medias dahket vejolažžan oassálastima nuppe geažes Suoma dahje Eurohpá.

Temá heakkas ordnejeaddjiid movttiidahttit smiehttat, gean sáhtašii bivdit mielde plánet ja ordnet dáhpáhusa. Gean kulturbirrasa dahje kulturárbbi buktit ovdan ja geat das muitalit? Fáhtehahttivuohta ja rabas dáhpáhus fállá oassálastima ja oasálašvuođa vejolašvuođaid buohkaide. 

Álbmotdáhpáhusat ja -kampánjat

Buohkat leat lieggasit bures boahtán ordnet prográmma kulturbirasbeivviide.

Oahpistuvvon tuvrraid, ávvudemiid, eaktodáhtolašbargguid, neahttadáhpáhusaid, earálágan kampánjjaid ja eará prográmma sáhttá ordnet birra jagi. Dáhpáhusa sáhttá háliidettiin heivehit kulturbirasbeivviid váldoáigemuddui, mii lea Suomas jahkásaččat čakčamánu nuppi vahkus dahje riikkaidgaskasaš eanadatbeaivvi oktavuođas 20. golggotmánu.

Álbmotdáhpáhusaid gánneha ordnet nuvttá dahje vuollegaš sisabeassanmávssuin, vai buohkain lea vejolaš oassálastit. Dáhpáhusat almmuhuvvojit Kulttuuriymparistomme.fi -siidduid kaleandarii, mas dat sirdašuvvet riikkaidgaskasaš www.europeanheritagedays.com -siidduide.

  • Liŋka dáhpáhusalmmuhanskovvái kulttuuriymparistomme.fi -siidduin (suomagillii): Ehdota uutta tapahtumaa
  • Lassedieđut ja geažideamit dáhpáhusordnemis kulttuuriymparistomme.fi -siidduin (suomagillii): Järjestä tapahtuma.

Kulturbirrasa dahkkit -gilvu

Kulturbirrasa dahkkit (Young European Heritage Makers) gilvu movttiidahttá áicat iežas birrasis ja kulturárbbis. Gilvvuin mánát ja nuorat roahkasmahttojuvvojit oassálastit ja váikkuhit birrasa ovddideapmái ja kultuvrra ođasteapmái.

European Heritage Days Stories

European Heritage Days Stories bovde muitalit máidnasiid kulturbirasčuozáhagaid ja kulturbirasdoaimmaid eurohpálaš ollilvuođas ja ohcat ruhtadeami máidnasiid fidnun dahkamii. Ohcan lea oaivvilduvvon kulturbirasbeivviid dáhpáhusordnejeaddjiide. Ovddit jagiin logi buoremus fidnojurdaga leat ožžon juobe 10 000 euro sturrosaš fidnoruhtadeami.

Lassedieđut suomagillii kulttuuriymparistomme.fi -siidduin: European Heritage Days Stories -hankehaku
Lassedieđuid eŋgelasgillii gávnnat European Heritage Days neahttasiidduin: www.europeanheritagedays.com/Story

Neahttasiiddut ja sosiála media kanálat 

•    Euroopan kulttuuriympäristöpäivät
•    European Heritage Days (www.europeanheritagedays.com)
•    Facebook: www.facebook.com/EHDFinland
•    Twitter: @EHDFinland
•    #kulturbirasbeaivvit, #EHDs

Lassedieđuid oaččut beivviid koordináhtoris 

Suomen Kotiseutuliitto
Koordinaattori Jonina Vaahtolammi
jonina.vaahtolammi[at]kotiseutuliitto.fi tai erp[at]kotiseutuliitto.fi, puh. 044 974 1705

Ympäristöministeriö
Suunnittelija Hanna Hämäläinen
hanna.hamalainen[at]ym.fi, puh. 0295 250 095

Julkaistu 4.12.2020 klo 17.14, päivitetty 2.9.2021 klo 10.23