Kulturbirasbeaivvit

Kulturbirrasiid ávvudat sierra guovlluin Eurohpás - buohkat sáhttet oassálastit sin iežaset vugiideasetguin.

Kulturbirasbeaivvit leat Eurohpá ráđi ja Eurohpá kommišuvnna oktasaš prográmma, masa oassálastet badjel 20 miljovnna olbmo buohkanassii 50 riikkas. Váldodáhpáhusvahkuloahppa lea čakčamánus.

Mii lea dutnje vuohkkaseamos vuohki oassálastit?


Ordne dáhpáhusa 

Dáhpáhus sáhttá leat rabas uvssaid beaivi, oahpisteapmi, čájáhus, bargobádji dahje juoidá áibbas eará! Almmuhathan dáhpáhusat dáhpáhuskaleandarii.

Kulturbirasbeivviid
© Suoma Ruovttuguovlolihttu.

 

Oassálastte dáhpáhussii 

Kulturbirasbeivviid áigge ordnejuvvojit čuođit dáhpáhusat miehtá Suoma ja duháhat miehtá Eurohpá. Oza alccesat heivvolaš dáhpáhusa kaleandaris ja ávvut kulturbirrasiid!

Ávvut iežat láhkai

Ordne doaluid, vánddar dahje ordne eaktodáhtolaš doaimma ja daga iežat birrasis vel buorebu, gos loaktá!

Daga čatnašumi 

Čatnaseapmi kulturbirrasii lea lohpádus doaibmat kulturbirrasiid beales. Sáhtát ordnet dáhpáhusa dahje ollašuhttit idea, man leat ožžon dáhpáhusas.
 

Juohke jagi ođđa temá

Dovdda árbbát, juoge muitalusat 2018. Temájagi bajilčála bovde ovddidit kultuvrralaš čehppodaga ovttas. Dahkat kulturárbbis deaivvadeami báikki ja dialoga gaskaoami!

Temájagi čohkket ja vurket muitalusaid kulturárbbis ovttasbargguin Suopmelaš Girjjálašvuođa Servviin.

  • Maid don dieđát ja máhtat iežat kulturárbbistat?
  • Mo du kulturárbi lea olggosoaidnit, makkár dan jietna lea, makkár hádja das lea ja mo dat dovdo?
  • Mo vássánáiggi dovdoárbevierru váikkuha dutnje dál?
  • Maid háliidivččet diehtit, vásihat ja oahppat lasi?
  • Maid háliidat muitalit iežat ja ipmirdit earáid kulturárbbis?
  • Mii kulturárbái gullá ja mo dan máinnas joatkašuvvá?

Temájagi bajidat ovdan earret eará árgabeaivvi, bearraša, soga, mikrohistorjjá sihke sierraahkásaš olbmuid ja servoša árbbi - min juohkehačča máinnashan lea oassi eurohpalaš kulturárbbis.

Oktasaš eurohpalaš huksenávdnasat gávdnojit maiddái dáidagis, ealligovvamuitaleamis, huksema vugiin ja máinnastanárbbis. Demokratiija ja olmmošvuoigatvuođat adnojuvvojit dávjá oktasaš eurohpalaš árvun. Mo dat oidnojit kulturárbbisteamet?

Dáhpáhusordnejeaddjim sávvat ovdamearkan girjerájuid, skuvllaid, arkiivvaid, museaid, sohkaservviid ja eará servviid ja buohkaid, geat leat beroštuvvan dán fáttás - juohkehaš lea bures boahtán ordnet prográmma kulturárbebeivviide. Dáhpáhusbáiki sáhttá leat mii beare - kulturárbi gávdno juohke sajis. Beivviide ordnejuvvojit ovdamearkan reaissut, giliávvudeamit, oahpistuvvon jorrosat, bargobajii ja rabas uvssaid beaivvit - sáhtát maiddái hutkat áibbas iežat vuogi ávvudit kulturárbbi!
 

Kulturbirrasa dahkkit 

Muital muitalusa suohttasiin dehe dáidagis ja oassálastte gilvui!

Kulturbirrasa dahkkit leat mánáide ja nuoraide čuozihuvvon gilvu, mas dutkojuvvo, suokkarduvvo ja árvvoštallojuvvo iežas biras ja dan kulturárbi. Gilvui sáhttet oassálastit buot vuollel 18-jahkásaš mánát ja nuorat miehtá Suoma. Kulturbirrasa dahkkit lea oba Eurohpaviidosaš European Heritage Makers Week -dáhpáhusa oassi.

Du bargun lea muitalit beaktilis muosáhusa suohttasiid dehe dáidaga birra govain dehe videoin ja oanehis deavsttain. Vállje iežat beroštahtti čuozáhaga dáidaga ja suohttasiid máilmmis. Goas dáidda dehe suohttasat leat lihkahan du? Makkár jurdagat ja dovddut das bohciide? Guorahala, maid eurohpalaččaid don gávnnat iežat válljen čuozáhagas? Muital midjiide dáidaga ja suohttasiid muitalusa ovttain govain dehe videoin ja oanehis deavsttain. Oassálasttát gilvui nu ahte juogát iežat muitalusa eurohpalaš fierbmesiidduin!

Oassálastte gilvui ovttain dehe eanet iežat bargan dujiin. Oassálastináigi álgá 5.2.2019 ja nohká 1.5.2019.

Gilvui sáhttá oassálastit čujuhusas bit.ly/HeritageMakersFi

Gilvoráiddut ja vuoittut

Kulturbirrasa dahkkit gilvvus leat guokte ráiddu, vuollel 12-jahkásaččaid ja 12-18-jahkásaččaid gilvoráiddut. Suoma duopmárat válljejit dáidaga ja suohttasiid suorggis vihtta miellagiddevaččamusa goappánai ráiddus.

Vuollel 12-jahkásaččaid ráiddu buoremus muitalusaid muitaleaddjit bálkkašuvvojit girjegávppi skeaŋkagoarttain ja gudnegirjjiin. 12-18-jahkásaččaid ráiddu viđa buoremus dahkki muitalusat bálkkašuvvojit skeaŋkagoarttain ja gudnegirjjiin sihke dasa lassin sáddejuvvojit gilvalit riikkaidgaskasaš European Heritage Makers Week -dáhpáhusa vuoittuin. Riikkaidgaskasaš duopmárat válljejit geasi áigge buot riikkain boahtán dujiin 10 eanemus inspirerejeaddji gova muitalusaidisguin ja bovdejit daid dahkkiid Strasbourgii vuoitomátkái.

Lassidieđut vuoittus gilvvu eurohpalaš siiddus: Europeanheritagedays.com Heritage Makers in Finland

Lassidieđut: Suoma Ruovttuguovlolihttu (Suomen Kotiseutuliitto), erp(at)kotiseutuliitto.fi

 

Publicerad 26.7.2018 kl. 13.28, uppdaterad 19.3.2019 kl. 9.59